४०.
तुझ्या असण्याने येते
घरालाही घरपण;
तुझ्या नसण्याने होते
चार भिंतीचे स्मशान.
४१.
भोग भोगता भोगता
भोग सरता सरेना;
राहे रिकामे शेवटी
मन कशाने भरेना.
४२.
माझे जळते मस्तक
फुटू पाहते क्षणात;
ठेव कपाळावरती
तुझा चंदनाचा हात.
शुभेच्छा : दिवाळी २०११
*श्रीकृष्ण राऊत विशेषांक*
नवीन ब्लॉग : ॥ नाथमाउली ॥
गाथा म्हणजे लघुत्तम कविता
//द्विपदी,दोहा,रुबाई,चौपाई,मुक्तक यांची परंपरा भारतीय वाङ्मयात चांगलीच रुजलीआहे.ज्ञानेश्वरीच्या लेखनकालापूर्वी जवळपास एक हजार वर्षाआधी महाराष्ट्री प्राकृतात रचलेल्या गाथा आजही आपल्याला भावतात.गाथा म्हणजे लघुत्तम कविता.गझलेतील सुटा शेर सहजपणे लोकांच्या ओठांवर रेंगाळतो तोही त्यामुळेच.अष्टाक्षरीसारखा लोकछंद, जनसामान्यांची बोलभाषा आणि संयत सूचकता ह्या त्रिगुणांनी श्रीकृष्ण राऊत यांच्या चार ओळींच्या ह्या कवितांना गाथांचा दर्जा दिला.//- डॉ. किशोर सानप
0 comments:
टिप्पणी पोस्ट करा